Dei siste to døgna har vi fått inn 14 nye påmeldte lag. Vi har fortsatt plass til nye lag, i tillegg til at vi har fått indikasjonar på at fleire lag er i emning. På bakgrunn av det, så utsett vi påmeldingsfristen til søndag 16. Desember. Det vert då absolutt siste frist.

I herreklassa har Andreas Skotheim meldt på laget "Ex On The Pitch", der han også har klart å lure med faren. For dei som ikkje kjenner til Andreas, så er han sonen til André Skotheim som er tidenes mestscorande gjennom grendacupen`s historie. Etter siste opptelling hadde "Skotty"-Senior 138 nettkjenningar. Andreas har planar om å bli årets "assist-konge", slik at faren når 150 mål i løpet av romjula.

Andre nye lag er blant anna Holemix, som har meldt på lag i både dame- og herreklassen, i tillegg til at Torkelvegen stiller med to lag. Det kan også bli spennande å sjå om nåken klarer å "senke" KNM Helge Ingstad, som har meldt seg på i ungdomsklassen.

Vi minner igjen om snapchat kontoen til Grendacupen, som du kan finne ved å søke opp "hil-grendacupen" i Snapchat.

I løpet av det siste døgnet har det kome fleire nye påmeldingar til årets grendacup. Rykta fortel at fleire lag skal vere på veg.

Har du hugsa å melde på ditt lag? Vi ønskjer at så mange lag som mulig skal delta, uansett nivå eller ambisjonar. Kanskje er det nettopp kombinasjonen av deltakarar på ulike nivå og at dei fleste kjenner kvarandre som gjer Grendacupen så spesiell?

Har ikkje du lagt til Grendacupen sin Snapchat-konto enda? Her kjem vi med nyheiter og informasjon både før og under cupen. Kanskje kjem her også ein overraskelse eller to? Legg til kontoen ved å søke opp "hil-grendacupen" på Snapchat, eller ved å gå inn på Snapchat-applikasjonen og ta bilde av QR-koda/Snapchat ikonet som er lagt ved her.

Dei tre første laga er allereie registrert til den 25. utgåva av Grendacupen på Hareid. Fotballgruppa håpar på svært stor deltaking til jubileumsturneringa.

Det er tradisjon god som nokon i romjula i Hareid. 28. og 29. desember strøymer folk til Hareidhallen, anten for å spele fotball, sjå på fotball, treffe kjentfolk eller helst ein kombinasjon av alle tre. Sidan 1994 har Grendacupen vore eit fast innslag i svært mange si romjul.

Viser dugnadsånda

I 1994 var det Hjørungavåg IL, med Kåre Magne Stennes i spissen, som stod for den første Grendacupen. Seinare tok Hareid IL over stafettpinnen og det er no Hareid IL Fotball som har ansvaret for turneringa.

– Dette er ei kjempekjekk turnering, både for ungdom, damer og herrar. Turneringa viser verkeleg dugnadsånda til folk når ein ser korleis det blir mobilisert sjølv om det er midt i romjula, fortel Cecilie Bjørlykke, leiar i Hareid IL Fotball.

Ho rosar engasjementet rundt Grendacupen, som har ført til at turneringa i år kan arrangerast for 25. gong.

Trur på mange lag

Saman med cupgeneral Benjamin Reite kan ho fortelje at første laget allereie er klart for turneringa, men at dei håpar det skal bli mange til før påmeldingsfristen går ut 10. desember.

– I år kjem det til å bli fort fullt, trur Benjamin Reite.

Totalt var det 42 lag som deltok i 2017. Håpet er at det blir endå fleire denne gongen. Reite og Bjørlykke er optimistiske med tanke på påmeldinga.

– I fjor hadde vi litt få damelag og vi oppmodar dei sterkt om å melde seg på, fortel Bjørlykke.

I 2017 førte dette til at det vart få kampar for dei damelaga som var påmeldt. Det vil ein i år løyse gjennom å spele dobbel serie, så sant ikkje påmeldinga av damelag blir betre enn forventa.

Sidan turneringa no blir arrangert for 25. gong kan ein mistenke at det vil kome ei form for markering av dette. Akkurat kva det kan vere vil ikkje Bjørlykke og Reite seie så mykje om.

– Men det kan hende det dukkar opp noko, skyt Reite inn.

Sosial møteplass

Med jubileumsturneringa på trappene er det liten tvil om at Grendacupen har vore ein suksess.

– Den har eit godt rykte og er godt etablert. Det må den vere når ein har klart å halde den gåande i så mange år, meiner Bjørlykke.

Han og Bjørlykke slår fast at det er meir enn fotballen som gjer Grendacupen spesiell.

– Det er like mykje sosialt som det er fotball, anten det er som spelar eller som tilskodar. Det er som det står i arrangementet på Facebook, at det er ei moroturnering med fokus både på det sosiale og på å spele fotball, fortel Bjørlykke.

Då har utvalet i Grendacupen konstituert seg, og det er klart for påmelding til årets turnering.

Det er ingen regelendringar i høve fjoråret. Det vil seie at vi håper å ha både herreklasse, dameklasse og eigne ungdomspuljer for gutar og jenter.

Det blir opna for påmeldingar frå og med i dag, onsdag 7. november. Den absolutte påmeldingsfristen går ut 10. desember!

Hugs å lese gjennom "Reglar" i menyen til venstre NØYE før du melder på laget ditt. Sjå også den nye fana om - Spelereglar.

Påmeldingsskjemaet ligg også i menyen til venstre under - Påmelding.

Torsdag kveld vart kampoppsettet klart. Ein del personar frå cupstyret sat torsdag kveld og gjorde klart kampoppsettet, og vi kan sjå fram til nokon godbitar allereie frå første spark. 

Vi vil no gå gjennom alle gruppene. Og vi startar med herreklassa. 

I pulje A har vi dei regjerande meistrane 'Kvælartak'. Dei skal få bryne seg på Sygjing, som er eit lag med spelarar frå Hødd og Hareid med landslagsspelar Elias Flø i førarsetet. Det tradisjonsrike Holemixlaget er sjølvsagt med i år også, og O2-snapparane har Torstein Holstad Sivertsen som sjølvsagt er først i alt og lagkaptein. 

I pulje B finn vi tapande finalist frå i fjor: Kvil dej. Kan dei kvile seg heilt fram til ei ny finale i år? Då må storspelaren Øyvind Hagen og resten av maskineriet være på topp gjennom heile turneringa. I den same pulja finn vi 'Lættpils', 'Overtid+tillegg' og 'Krædene'. Spennande gruppe der alt kan skje.

I pulje C finn vi laget 'Biancocelesti' som i år har eit sterkare lag enn nokon gong (i alle fall på papiret). Fredrik Aursnes og gjengen har i år fått med seg Henrik Grimstad og Georg Aursnes som er to meget dyktige innespelarar. Dei skal få bryne seg på 'Slav', som også er eit blandingslag med spelarar frå Hareid og Hødd. Dei har også '6 kvite å 2 Vårrulla' og 'Hæ? Ka du sa?' i gruppa si. 

Går vi vidare til pulje D ser vi at 'Sei du det?' med Christian Mork i førarsetet har stabla på beina same laget som ifjor i tillegg til Christoffer Rekdal. Dei skal møte sterke lag som blant andre 'Les Favues' med noverande og tidligare Hareidspelarar. Sterke namn som Torgeir Skeide, Emil Viddal og Martin Haanes skal bli tøffe og bryne seg på. Det tradisjonsrike laget 'HUS' stiller i år igjen. Og til slutt har vi eit lag som kallar seg for: Polish Team. Vi har ingen informasjon om dette laget.

Det var puljene i herreklassen. No går vi vidare til dei to puljene i dameklassen. 

Der har vi to puljer med 3 lag i kvar pulje.

I pulje E har vi 'Gylne tider' som består av Hareidsspelarar som f.eks Caroline Overvåg og Victoria Røren. I tillegg har dei fått med seg Andrea Sævik som er ein meget habil innespelar. Eit lag å sjå opp for. I same gruppe har vi ein damevariant av 'Holemix' og vi har også eit lag som kallar seg for 'Noreg'. 

I pulje F finn vi laget som i år kallar seg for 'Hødd' som har stilt opp på denne cupen i mange år på rad no. Regjerande meister frå i fjor. Ein liten strek i rekninga er det at Thea Vattøy Kristensen ikkje er med i år grunna ei skulder som snart skal opererast. Så i år må resten av damene ta i eit ekstra tak om det skal halde heilt inn. I same gruppe finn vi eit ungt Høddlag som kallar seg for 'Ikketapåme'. Og til slutt i den gruppa har vi 'Reserve crew'. 

Då går vi over til Ungdom gutar. Her har vi 8 lag fordelt på to puljer. 

I pulje G har vi 'Ones to watch', 'Pink Panthers', 'Banan FC' og 'Zebra-se dårlig'. 

I pulje H har vi 'Tynnespuppe', 'Brandal IL', 'Supreme' og 'Koffor melde vi oss på?'

Her har vi dessverre ikkje så veldig mykje informasjon om kvart lag. Men, vi er sikre på at dette er to tøffe grupper og vi har nokon herlige kampar å sjå fram til. 

Då har vi den siste klassa som er ungdom jenter. Her har vi ei gruppe som består av 4 lag. 

Pulje I. Her har vi 'Blitz', 'Asian og co', 'Midt i blinken' og 'White chicks'. Her blir det tøff kriging om dei to første plassane. Her har vi også nokon herlige kampar å sjå fram til. 

Under legg vi ut linken til Grendacupen. Der kan du sjå heile oppsettet og kva tid laget ditt spelar. 

Girri Girri!! 

http://live.mylivescore.no/#/t/423/fixtures

Torsdag kl.18.00 er siste frist for påmelding til Grendacupen. Da blir det seeding og trekking av puljer.

Status påmeldte lag er 16 Herrelag, 7 Damelag, 8 Gutelag og 2 Jentelag.

Vi fekk inn 30 påmeldingar innen fristen og det er vi veldig godt fornøgd med.

Likevel held vi muligheita til og melde på lag åpen framover nokre dagar! 

Status påmeldte lag er: 

15 Herrelag, 7 Damelag og 8 Ungdomslag. 

Informasjon om påmelding og reglar finn du i menyen til venstre.

Hugs og les reglane nøye før du melder på lag. Vi håper også i år og ha egne klasser for både gutar og jenter i ungdomsklassene. 

Det du melder på innen fristen er eit utgangspunkt for laget ditt og blir avgjerande når ein skal vurdere seeding.

I sektreteriatet kan du likevel gjere endringar når du melder på laget ditt seinast 1 time før første kamp. 

Påmeldingsfrist 10.desember!

Vi har no oppdatert statistikken for dameklassen og ungdomsklassane. (Herreklassen blir vi vonleg ferdige med i løpet av nyttårshelga.) Vi legg merke til at Eva Janne Holstad gjorde comeback og auka i tet på mål-adelskalenderen i dameklassen.

Oppdaterte statistikkar og slikt kjem seinare i nyttårshelga.

Meir info om kvar pris to hakk lengre ned på sida her (eller under 2016 i menyen til venstre).

Gull, jente ungdom: Five Wise Monkeys (Vilde-Amalie Bigset, Shaajeena Jeyathas, Amalie Koppen, Elen Alme, Silje Årsbog Bjåstad)

Sølv, jente ungdom: Herdavika

Gull, gutar ungdom: Sunnmøre hybeid (Isak Moen Erdal, Ola Aga Ljosa, Håvard Mork Breivik, Sondre Taklo, Andreas Nesset jr.)

Sølv, gutar ungdom: Scotish IL

Gull, damer: Nederlaget (Ingvild Auflem Vik, Annika Brandal, Ragnhild Ertesvåg, Marita Fintland Vikebakk, Charlotte Haanes, Thea Vattøy Kristensen, Andrea Storøy Rødseth)

Sølv, damer: Dei andre

Gull, menn: Kvælartak (Kajan Antonius, Stig Andor Engen, Luis Venthan Ketheeswaran, Nils-Erik Engen, Audun Øvrelid, Martin Mork Breivik, Isak Haanes, Sveinung Tilseth, Amund Kleven Rasmussen, Runar Stranden)

Sølv, menn: Kvil dej

Toppscorar i alle fire klassane
Toppscorar, jente ungdom: Vilde Voll Hareide (Herdavika) - 6 mål
Toppscorar, gutar ungdom: Andreas Grimstad (Class of 2003 + 2 noobs) - 8 mål
Toppscorar, damer: Thea Vattøy Kristensen (Nederlaget) - 8 mål
Toppscorar, menn: Isak Haanes (Kvælartak) og Kim-Tore Husøy (HUS) - 7 mål

Beste spelar i alle fire klassane
Beste spelar, jenter ungdom: Shaajeena Jeyathas (Five Wise Monkeys)
Beste spelar, gutar ungdom: Ola Aga Ljosa (Sunnmøre hybeid)
Beste spelar, damer: Kristin Marø (Dei andre)
Beste spelar, menn: Isak Haanes (Kvælartak)

Tribuneslitaren: Håvard Røyset

Finaste draktene: Ullared

Årets mål: Hallvar Møller (Holemix)

Årets prestasjon/fair-play pris: Five Wise Monkeys

Etter 12 og ein halv time med forfriskande fotball og svært høgde tilskodartal er dag 1 av Sparebank1 Grendacupen 2016 over.