I kveld klokka 23.59 går påmeldingsfristen til Grendacupen ut. 

NB. Når det gjeld etterpåmelding av spelarar, eller endringar av lagnamn etc., må det sendast til hareidsida@gmail.com innan torsdag 12. desember klokka 21.30. Etter dette er det for seint å skifte lagnamn. Spelarane som er påmelde innan dette tidspunktet legg grunnlaget for seedinga. Det går an å kome med andre spelarar etter 12. desember, men då meldast det inn i hallen éin time før lagets første kamp - og ikkje på nettet.

Per søndag kveld klokka 22.25 har det kome inn 17 herrelag, tre damelag og seks ungdomslag. Vi veit der kjeme nokre fleire lag til i herreklassen. Også minst eitt damelag er på veg inn. Blant ungdommane er fire av laga reine gutelag, medan to er jentelag. Det betyr at vi treng minst to jentelag til for at kjønna skal få kvar si pulje. Det er altså tid igjen til å røske saman eit lag.

Så langt har vi fått inn 10 herrelag, tre damelag og to ungdomslag.

NB. Eventuelle endringar på laglistene kan sendast til hareidsida@gmail.com fram til 19. desember. 

I går vart det meldt på to nye herrelag. "Are og Sildestimen" er nesten nøyaktig den same gjengen som har tapt finalen dei tre siste åra. "Steed" er eit Grendacup-lag med lange tradisjonar, sjølv om det begynner å bli nokre år sidan dei vann sist.

Vi er no oppe i sju herrelag, eitt damelag og eitt ungdomslag. Vi håper så mange som mogleg melder seg på i god tid før fristen, slik komiteen får starta arbeidet med å planlegge turneringa. 

"Alipoor og Co.", som var det første herrelaget som melde seg på i år, har trekt laget. Men i dag fekk vi inn eit nytt lag; "Boca juniors" - med Venthan Ketheeswaran som spelande trenar og oppmann.

Så langt har sju lag meldt seg på totalt. Det er ikkje mykje, men det kjem vel eit renn snart?

I dag tidleg opna vi for påmeldingar til årets turnering, og det har allereie kome inn fire lag; tre i herreklassen og eitt i dameklassen.
* "Carro e?" har vunne dameklassen dei tre siste åra og er nok ein av favorittane i år også.
* "Alipoor og Co." har nesten ingen utlendingar på laget.
* "Lasse og Geir" har ingen som heiter Lasse eller Geir på laget. Men laget deltek i Grendacupen for niande året på rad. Dei vann i 2009 og 2010.
* "Halen frå Holen" minner oss om laget som har vore favorittar mange år på rad, men aldri vunne. No har dei fjerna nokre eksterne stjerner. Og då blir det vel suksess?

Det er ingen regelendringar i høve fjoråret. Les deg opp på reglane i menyen til venstre. Vi tek imot inntil 24 herrelag, åtte damelag og ti ungdomslag (totalt). Vi håper å som i fjor ha både ein eigen jente-ungdomsklasse og ein gute-ungdomsklasse. 

Påmeldinga er open frå 10. november til 10. desember. Det blir ikkje høve til å etterpåmelde lag i år.

Hugs reglane om lagnamn. (Maks 20 bokstavar. Ikkje namn som kan verke støytande. Men humor er sjølvsagt lov:)

Det blir Grendacup i Hareidhallen også i år, som vanleg 28. og 29. desember. Dette er 20. gongen turneringa blir arrangert, noko som sjølvsagt skal markerast på eitt eller fleire vis. Påmeldinga i år skjer mellom 10. november og 10. desember. Vi skal kome med meir info når det nærmar seg. Men klassane blir dei same som i fjor:
* Menn
* Kvinner
* Ungdom gutar
* Ungdom jenter
Så då er det berre å begynne å setje saman lag! (Vi oppdaterer reglane før påmeldingsfristen, men det er ikkje snakk om vesentlege forandringar.)

Vi har no lagt inn alle målscorarane for 2012 (som du finn under 2012 i meyen til venstre). Det er viktig at de gir beskjed (trovaag@gmail.com) om de ser eventuelle feil.

Vi har også oppdatert mål-adelskalenderane. Desse finn du under Historikk i menyen til venstre. Gå vidare til Samandrag.

Vi merkar oss at Morten Opsahl Moldskred har tatt over tetplassen i herreklassen. André Skotheim låg på topp før turneringa som var, men scora ikkje. Morten netta 16 gonger og er dermed oppe i 127 totalt (Skotheim har 124). I dameklassen er situasjonen uendra på topp tre, men Martha Helvig har gått opp på fjerdeplass. I ungdomsklassen (no for gutar) var det faktisk ingen endringar på topp 10.

Det var det for denne gong. Vi håper å arrangere tidenes Grendacup i 2013, noko som vil vere den 20. utgåva av turneringa. 

Det har vore ein lang dag med nærare 70 kampar og eit stramt tidsskjema, men vi har klart å komme oss gjennom dag éin utan forseinkingar, alvorlege hendingar eller andre uhell. Godt jobba! Alle klassane har vore spennande. Ikkje minst i den nye ungdomsklassen for jenter, der det vart avgjort på scora mål kven som gjekk vidare (tre lag med fem poeng). I den eine ungdomsklassen for gutar enda alle laga med tre poeng, og målforskjellen avgjorde. Når det gjaldt kven som vart beste trearar i herreklassen, enda både trear 3, 4 og 5 med same målforhold. Færrast scora mål sende Barbarians ut. Nokre lag har skuffa. Andre lag har overraska positivt. Igjen gjorde Verdilause menn (Wimbledon) alle spådommar til skamme. Også Alipoor-gjengen har levert varene og tatt ein 2.-plass i si gruppe. Det blir mange godbitar i åttandelsfinalane. Mellom anna skal 2010-vinnarane (Sacra Corona Unita) ut mot 2011-vinnarane (Bra cup). Det blir også spennande å følgje rekordhungrige Morten Moldskred og Inspectionistas, dei mange norgesmeistrane på Rett å slett Dyr - og ikkje minst knusande overlegne Familieselskap. For å nemne nokre. Dameklassen verkar også open, men at Las Locas og Carro e? skulle vinne sine grupper var vel ikkje veldig overraskande.

Følg med på MYLIVESCORE.

Og vel møtt laurdag.

Første kamp startar 09.30.