Dameklassen: Matprat.no mot Alle Skal Få i finalen

Resultat:

Alle skal få - Julejentene 6-1
Fast Inventar - Matprat.no 2-1

Alle skal få - Matprat.no 3-1
Fast Inventar - Julejentene 1-2

Matprat.no - Julejentene 4-2
Fast Inventar - Alle skal få 1-5

...

Alle Skal Få er soleklar gruppevinnar med 9 poeng. Alle dei tre andre laga har 3 poeng, men med eitt minusmål har Matprat.no best målforskjell - og tar den andre finaleplassen.

Scoringar i dameklassen dag 1:

Annika Lisa Brandal 1
Andrea Rødseth 1
Gunhild Feiring 1
Ragnhild Ertesvåg 2
Veronica Mork 1
Erika Skarbø 2
Ellen Holm Roppen 1
Maren Moldskred 2
Cecilie Skeide 3
Heidi Saur 1
Elisabeth Sunde 2
Camilla Ervik 1
Martha Helvig 2
Mari Vikanes 1
Caroline Overvåg 5
Andrea Sævik 3

Herrer, gruppe E: Som forventa

Ingen overraskingar i denne gruppa. ;) imponerte ikkje sånn voldsomt, men hadde får problem med å ta gruppesigeren.

I første kamp tok Attrus ein relativt trygg siger mot Null Stress.

I andre kamp gjekk storfavorittane ;) opp i ei 3-0-leiing mot Tam IL, men Tam kom sterkt tilbake og reduserte to gonger. Gunnar Johann Ringstad var på tampen nær å utlikne. Ein god og underhaldande kamp. Det må nemnast at ;) stilte i dresskjorter.

I tredje kamp tok Tam IL revansje, og dei er no på veg til 1/8-finalen.
Det same er ;), som tok ein grei 4-0-siger mot Attrus i fjerde kamp.

Det vil i siste kamp bli spennande av den grunn at Attrus og Tam IL kjempar om 2. plassen i gruppa (kamp 6).

I femte kamp heva Null Stress seg etter to strake tap. Dei henta inn ;) si tidlege 2-0 leiing. Men to minutt før slutt tåa Arthur Garnes inn 3-2 til ;), og fire sekund før slutt la Morten G. Moldskred på til 4-2. Dermed gruppesiger for ;).

I siste kamp i denne gruppa viste det seg fort at Tam IL hadde brukt opp kruttet. Attrus var klart betre, og leia 5-0 tre minutt før slutt. I eit siste desperat forsøk for å ta igjen forspranget sende TamIL-lagleiar Bjørn Vegard Bjåstad inn på seg sjølv, og det førte til ei redusering ved Anders Eidsvik. Men nærare kom ikkje TamIL-gjengen, som må nøye seg med tredjeplass.

Alle resultat i gruppe E:

Null Stress - Attrus 2-4
;) - Tam IL 3-2

Null Stress - Tam IL 3-5
Attrus - ;) 0-4

Null Stress - ;) 2-4
Attrus - Tam IL  5-1

Ungdomsgruppene er ferdige

Ungdom gruppe A:

G4m3rz - Gutta fra Vik 7-1
Gutta fra Vik - Papp og papir 3-4
G4m3rz - Papp og papir 5-2

Det betyr at "Gamers" er gruppevinnarar. Dei går vidare til semifinalane saman med Papp og papir.

Ungdom gruppe B:

No skal mot spele mot - Tyggis 7-0
No skal mot spele mot - Goalgetters 1-4
Goalgetters - Tyggis 17-0

Det betyr at "Goalgetters" er gruppevinnarar. Dei går vidare til semifinalene saman med No skal mot spele mot.

Lurer du på oppsettet for semfinalane, velg 2009 og kampoppsett dag 2.

Mål ungdom dag 1:

Gutta fra Vik: Rafat Ghazi (1), Benjamin Mork (2) + sjølvmål
G4m3rz: Kjetil Knotten (4), Lars Mork (3), Pål H. Skeide (2), Eirik Mjønes (1), Henrik Grimstad (1), Mikal Haanes (1).
Papp og papir: Nils-Erik Engen (2), Håvard Strand (1), Martin Breivik (3).
No skal mot spele mot: Joachim Pedersen (2), Andreas Emdal Fure (1), Thadshayyonan (4), Lars Bastian Reite (1)
Goalgetters: Sjur Gjerde (3), Audun Øvrelid (2), Fredrik Aursnes (3), Hallbjørn Hasund Thorseth (3), Håkon Orten Trovåg (4), Ådne Andersen (4), Markus Hatløy (2)

Sensasjon i gruppe D

Bizim Takim var rangert som nummer 20 av 22 lag i herreklassen før cupen. Men dei overraska enormt - og gjekk heilt til topps i gruppe D. Dei hadde betre målforskjell enn T. kRiise. Begge lag fekk 8 poeng.

Resultat så langt:

Random Select - ^^ 1-3
Eiliv og gutta - Bizim Takim 1-1

T.kRiise - random Select 5-5
^^ - Eiliv og gutta 0-0

Bizim Takim - T.kRiise 2-2
Random Select - Eiliv og gutta 0-3

^^ - Bizim Takim 0-5
T. kRiise - Eiliv og gutta 2-0

Random Select - Bizim Takim 2-4
T.kRiise - ^^ 4-2

Eiliv og Gutta tok 3. plassen. ^^ vart nummer 4, og må vente og sjå i kveld om dei kjem vidare som beste firar.

La Cosa Nostra vann gruppe A

Herrer, gruppe A:

La Cosa Nostra - Glade guttar 3-2
AC Kings - Krympegasskollektivet 1-11
La Cosa Nostra - AC Kings 8-0
Glade Guttar - Krympegasskollektivet 5-4
La Cosa Nostra - Krympegasskollektivet 5-2
AC Kings - Glade Guttar 1-2

GRUPPE FERDIG

La Cosa Nostra er gruppevinnar. Glade Guttar nummer 2, Krympegasskollektivet nummer 3 og AC Kings enda poenglause på sisteplass.

Vi er i gang

Då er klokka 11.45, og vi er på nett.

Vi kjem med resultat og andre oppdateringar sånn litt etter litt.

27.12. Velkomne til Grendacupen

Espen Beiermann og Morten Gisle Moldskred var toneangivande då Temporiddarane vann Grendacupen i 2007.

Espen Beiermann og Morten Gisle Moldskred var toneangivande då Temporiddarane vann Grendacupen i 2007.

I morgon tidleg klokka 08.30 brakar det laust, den 16. utgåva av julas vakraste eventyr: Grendacupen. Vi har i år fått på plass 32 lag, noko vi må seie oss godt nøgde med. Utvidinga av utlendingsregelen kan ha vore med på å auka talet på herrelag frå 19 til 22, men uansett viser påmeldinga at Grendacupen er populær som aldri før.
Til denne cupen er det komme eit nytt styre på plass. Harald, Odd, Stein med fleire som styrte showet i 9 år gav seg etter fjoråret, og nye og yngre krefter er på plass. Det skal seiast at fleire av oss har hatt ulike roller under Grendacupen tidlegare, så heilt ferske er vi ikkje. Grendacupen 2008 vart ein megasuksess med uoffisiell tilskodarrekord under finalespelet. Årets styre har tatt mål av seg å prøve å gjere ting endå betre - om det er mulig. Vi har mellom anna fått på plass fleire premiar enn tidlegare. I år skal til dømes "årets mål", "årets prestasjon" og "årets drakter" kårast. Vi har også kjøpt inn pokalar til spelarar som når 100 mål i Grendacupen si historie. Harald Åsland Riise (107) og André Skotheim (101) har alt nådd det, men fleire kjem bak som kan passere den magiske grensa i år. Til dømes Morten Gisle Moldskred med sine til no 87 nettkjenningar, og eit par mann som spelar på laget hans i år: Stig Haugland (85) og Stian André Slotterøy (82).
Dette er berre eitt av mange spenningsmoment denne cupen. Kvar kamp lever sitt eige liv - og det har skjedd store sensasjonar der Goliat har lidd nederlag mot David tidlegare. Vi ønskjer alle spelarar, motspelarar, dommarar og tilskodarar velkomne til cup på det skinande nye golvet vårt. Og hugs, vi har kiosk.

Snakkast seinast 08.00!

PS: Vi har i år ein pris som heiter "Årets tilskodar". For å seie det slik, vedkomande som vil vinne den prisen bør ikkje vere mange minutta vekke frå hallen.
PS 2. Vi satsar på å ha ei slags liveoppdatering på nett frå turneringa, på den måten av vi legg ut resultata på sida her. Men kor ofte og kor grundig er det blir er vi noko usikre på før cupen har begynt.

Vurdering av gruppe E: Tid for å blonke, Morten!

MORTEN_GISLE_MOLDSKRED.JPG

Det blir neppe den alvorlege Morten "Gisle" Moldskred vi får sjå i aksjon under Grendacupen for laget ;).

Vurdering av gruppe D: Krise, Riise?

KRIISE.JPG

Er det verkeleg kriise i Riise-leiren i år? Nei. Trur vi.

Vurdering av gruppe C: Grei skuring for holingane

VASKING.JPG

Truleg problemfritt for Holemix i denne gruppa, men det skal bli spennande å sjå kva "Eit brukbart lag" kan tilby.

Vurdering av gruppe B: Her luktar det død

TSJERNOBYL_ULYKKEN.JPG

Tradisjonelt har dag 1 av Grendacupen vore ein slags oppvarmingsdag til dag 2. Slik blir det ikkje i år. Gruppe B blir eit drama frå A til Å - frå 18.42 til 21.55.

Vurdering av gruppe A: Mafioso eller glede?

LA_COSA_NOSTRA.JPG

Gruppe A er langt frå den skarpaste. Her står det mellom to lag; La Cosa Nostra og Glade Guttar 10. Les analysen.

Damelag inn på overtid

Seint onsdag kveld fekk vi inn ei påmelding av eit fjerde damelag. Lang etter fristen, og vi vurdere fram og tilbake om vi skal godta det. Men for dameklassen sin del så er det positivt, så vi valte å la det gå.

No er kampoppsetta i venstremargen oppdaterte.

Gruppene

Herrer:
A: AC Kings, Krympegasskollektivet, Glade Gutta 10, La Cosa Nostra
B: Tapt finale før?, Invictus, Reina, Dei som vann i fjor
C: Brukbart lag, Slå å gå, Steik kor go vi e, Kræda, Holemix
D: Random Select, Eiliv og gutta, Bizim Takim, ^^, T.kRiise
E: Null Stress, Attrus, Tam IL, ;)

Ungdom:
Gruppe A: Papp og Papir, G4m3rZ og Gutta Fra Vik.
Gruppe B: Goalgetters, No skal mot spele mot og Tyggis.

Kvinner:
Alle i ei gruppe

Kampoppsettet ligg no ute i venstremargen under 2009.

LIVE-trekning

Det blir live-trekning av gruppene klokka 18.30 onsdag! På denne nettsida.

Eitt lag inn på overtid

Tysdag formiddag fekk vi inn eit sjette ungdomslag. Det betyr at dei får spele i to innleiande grupper.

Fristen er ute, men...

I det påmeldingsfristen gjekk ut klokka i kveld hadde vi 22 herrelag, 5 ungdomslag og 3 damelag.

Men i eit håp om å få med 1 damelag og 1 ungdomslag til, så held vi ope for forsinka påmeldingar. Dei må vere inne SEINAST klokka 12.00 i morgon onsdag.

Påmelde lag per 15. desember: 30

"Steik kor go vi e", "Bizim Takim", "Random Select", "Eit brukbart lag", "Holemix", "Slå å gå", "Dei som vann i fjor!", "^^", "Null Stress", "Tam IL", "The Invictus", "La Cosa Nostra", "Attrus", ";-)", "Eiliv og gutta", "Reina", "Glade Gutar`10", "FC ?", "Krympegasskollektivet", "T. kRiise", "Venthan og co" og "Kræda e færdig jåtta" har meldt seg på i herreklassen, medan "No skal mot spele mot", "Goalgetters", "Papp og papir", "G4m3rz" og "Gutta fra Vik" er påmelde i ungdomsklassen.

Tre damelag er klare: "Alle skal få", "Matprat.no" og "Julejentene".

Grendacupen 2009

Like sikkert som ribba ligg på bordet julaftan og ribbefeittet går ned på høgkant saman med rabbestappa, så blir Grendacupen arrangert i Hareidhallen 28. og 29. desember. Det har framfor årets cup blitt gjort nokre regelendringar:
- Det er i år lov å nytte seg av fire "utlendingar". Det vil seie folk som ikkje bur på Hareid no, eller ikkje har gjort det i minst tre år tidlegare.
- Spelarar som er aktive i Hareid IL i 2009 (junior/a-lag/HIL 2) blir rekna som hareidsdølingar.
- Dei som har spelt 50 kampar eller meir for Hareid sitt a-lag (jamfør adelskalenderen, ligg under historikk på fotballsida), blir rekna som hareidsdølingar.

Regelendringane er no også lagt uti venstremargen.

Det er no mulig å melde på sine lag! Påmeldingsfrist 15. desember.

Merk at eit lagnamn berre kan innehalde 20 bokstavar. Dette for å ikkje gjere statistikkarbeidet umogleg.

Meldt på eit lag, og bli med du også!

Mvh
Einar Orten Trovåg
Sekretær, Grendacup-styret.

GRENDACUPEN 2008

Forhånd.1...1415161718Neste
dm.jpg

          Generalsponsor

   

           

             Sponsorar